Iranda qumdy daýyldan 800-den astam adam zardap shegip, aýrýhanaǵa jetkizildi
ASTANA. KAZINFORM – Irannyń ońtústik-batysyndaǵy Hýzestan provıntsııasynda sońǵy táýlikte qumdy daýyldan 802 adamnyń júrek jáne tynys alý joldarynda aqaý paıda bolyp, aýrýhanaǵa jatqyzyldy, dep habarlaıdy Anadolu.
92 adam aýrýhanaǵa jatqyzyldy, qalǵany ambýlatorııalyq em aldy.
IRNA resmı agenttiginiń habarlaýynsha, Ahvaz Djýndıshapýr medıtsınalyq ǵylymdar ýnıversıteti rektorynyń orynbasary doktor Meısem Mýazı aımaq turǵyndaryn, ásirese balalardy, júkti áıelderdi, qarttardy jáne tynys alý joldarynda aqaý bar adamdardy múmkindiginshe úıde bolýǵa shaqyrdy.
Hýzestan meteorologııalyq basqarmasy qumdy daýyl Iraktan kelgenin habarlady jáne osyǵan baılanysty beısenbi men jumada halyqtyń densaýlyǵy úshin «qaýiptiń qyzyl deńgeıi» jarııalandy.
Juma kúni Ahvazda aýadaǵy shań deńgeıi bir tekshe metrge 2 159 mıkrogramm bolǵan.
Aıta keteıik, AQSh prezıdenti Donald Tramp Irannan munaı nemese munaı ónimderin satyp alatyn elderge nemese jeke tulǵalarǵa AQSh-pen bıznes júrgizýge ruqsat etilmeıtinin eskertti.