Iranda «Kov Iran Barakat» vaktsınasy klınıkalyq synaǵynyń 3-satysy bastaldy

NUR-SULTAN. QazAqparat – Búgin Iranda COVID-19-ǵa qarsy «Kov Iran Barakat» otandyq vaktsınasy klınıkalyq synaǵynyń úshinshi satysyn bastady, dep habarlaıdy QazAqparat.

Iran Islam Respýblıkasy aqparattyq agenttiginiń málimetinshe, Tegeranda bastalǵan klınıkalyq synaq barysynda vaktsınany eń birinshi bolyp Iran Parlamenti Infektsııalyq aýrýlar jónindegi ulttyq komıtetiniń múshesi Mıný Mohrez, Densaýlyq saqtaý komıssııasynyń basshysy Hosseın Álı Shahrıarı jáne Hamadan medıtsına ýnıversıtetiniń burynǵy professory Amır Zargar alǵan.

Koronavırýsqa qarsy «Kov Iran Barakat» vaktsınasy klınıkalyq synaǵynyń úshinshi satysy aıasynda Tegeran, Býsher, Shıraz, Karadj, Meshhed jáne Isfahan qalalarynyń 18-ben 75 jas aralyǵyndaǵy 20 myń turǵyny alady.

Aıta keterligi, 32 myńnan astam erikti osynaý zertteý jobasyna qatysýǵa daıyn ekendikterin bildirgen bolatyn.

Sońǵy málimetterge sáıkes, Iranda 2 377 039 adam koronavırýspen aýyrǵan. Onyń ishinde 69 125 adam kóz jumdy. Iranda koronavırýs alǵash taralǵan sátten beri 1 863 405 adam indetten jazylyp shyqty.