Iranda kóshede bılegeni úshin alty adamǵa dúre soǵylady
ASTANA. QazAqparat - Iranda Tegeran qalasynda kóshede bılegeni úshin alty (3 er, 3 áıel) adamdy tutqyndaldy. Sot olardy shartty merzimmen bir jylǵa bas bostandyǵynan aıyrýǵa jáne 91 ret dúre soǵýǵa sheshim shyǵardy, dep habarlady VVS.
Irandyqtar F.Ýılıamstyń «Happy» ánine Tegeran kóshelerinde bılep, túsirilgen vıdeony YouTube áleýmettik jelisinde jarııalaǵan. Iran zańdary boıynsha er men áıeldiń bir birimen bıleýine tyıym salynǵan, sondaı-aq áıelderge qoǵamdyq oryndarda paranjasyz júrýge bolmaıdy.
