Iranda koronavırýsty juqtyrý boıynsha antırekord tirkeldi
NUR-SULTAN. QazAqparat - Iranda COVID-19 juqtyrý jaǵdaılarynyń táýliktik ósýi boıynsha antırekord tirkeldi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Ondaǵy málimetterge qaraǵanda, Iranda bir táýlikte vırýs juqtyrýdyń 39 019 deregi tirkelip, 378 adam atalmysh dertten kóz jumǵan. Koronavırýspen aýyrǵandardyń jalpy sany 3 979 727 adam. Al vırýstan qaıtys bolǵandar sany 91 785-ke jetti, - dep habarlaıdy Irannyń Densaýlyq saqtaý jáne medıtsınalyq bilim mınıstrligi.
Medıtsınalyq bılik elde «delta» shtamynyń taralýy aıasynda taǵy da shekteýler qoıdy. 3 tamyzdaǵy jaǵdaı boıynsha 10 741 956 adam koronavırýsqa qarsy vaktsınanyń birinshi dozasyn aldy, al 2 844 250 adam tolyq egildi.
Frantsııada Jerorta teńiziniń Korsıka aralynda tótenshe jaǵdaı rejımi engizilýi múmkin. Ótken demalys kúnderi bul jerge 130 000-nan astam demalýshy keldi. Araldyń eki negizgi qalalarynyń biri Bastııadaǵy aýrýhanalardyń tolýy 79% - dan asty. Úkimet taǵy da aýrýhana qyzmetkerlerine qosymsha jumysy úshin ústeme aqy, sondaı-aq aýyr jumys saldarynan ala almaıtyn aqyly eńbek demalysy úshin ótemaqy engizetinin málimdedi. Infektsııa taralýynyń ósýine baılanysty eldiń barlyq jaǵalaýdaǵy kýrorttarynda mindetti túrde maska kııý jáne túngi komendanttyq saǵat engizildi.
