Iranda koronavırýstan táýliktik ólim kórsetkishi rekordtyq deńgeıge jetti
TEGERAN. QazAqparat – Iranda ótken táýlikte koronavırýs ınfektsııasynan bolǵan 279 jańa ólim jaǵdaıy tirkeldi, dep habarlaıdy QazAqparat Islamic Republic News Agency-ge silteme jasap.
Cársenbi kúni Iran Densaýlyq saqtaý mınıstrliginiń resmı ókili Sıma Sadat Ları ótken táýlikte koronavırýstan 279 adamnyń kóz jumǵanyn málim etti. Elde COVID-19 vırýsynan qaıtys bolǵandar sany 29349 adamǵa jetti.
Sondaı-aq mınıstr keshe koronavırýs ınfektsııasyn juqtyrýdyń 4830 jańa jaǵdaıy tirkelgenin atap ótti. Olardyń 2237-si aýrýhanaǵa jatqyzyldy. Elde saýyǵyp shyqqan patsıentterdiń jalpy sany 414831.
Eldegi 4609 naýqastyń jaǵdaıy aýyr. Olar jansaqtaý bóliminde em alýda. Elde koronavırýs ınfektsııasyna júrgizilgen testterdiń sany 4398723.
