Iranda koronavırýstan kóz jumǵandar sany 70-ke jýyqtady
TEGERAN. IRNA-QazAqparat – Iranda koronavırýstyń jańa túrinen (SOVID-19) kóz jumǵandar sany 66-ǵa jetti. Bul týraly QazAqparat IRNA agenttigine silteme jasap habarlaıdy.
Irannyń Densaýlyq saqtaý mınıstriniń orynbasary Alırezı Raısıdiń aıtýynsha, elde aýrýǵa shaldyqqan adamdardyń sany 2 naýryz kúni 1501-ge jetken, sonyń ishinde 291 adam jazylyp shyqty.
«Koronavırýs juqtyrýdyń 225 oqıǵasy Tegeran qalasynda tirkeldi, Kýmada – 62, Gılıanda – 53, Isfahanda – 23, Markazı provıntsııasynda – 18, Kazvınde – 18, Horasan Rezavıde – 6, Fars provıntsııasynda – 8, Kermanshahta – 1, Mazenderanda – 12, Alborzada – 10, Hormozganda – 7, Hýzestanda – 12, Sıstan jáne Belýdjıstan provıntsııasynda – 1, Batys Ázerbaıjanda – 4, Ilamda – 2, Ońtústik Horasanda – 3, Kermanda – 2 jáne Iezde bir adam indet juqtyrǵan», - dep atap ótti ol.
Iran eldiń shekara beketterinde koronavırýstyń taralý saldarlaryn joıýǵa kúsh salýda.
«Densaýlyq saqtaý mınıstrligimen birlesip, koronavırýstyń taralýyn aldyn alý maqsatynda shekara beketterin dezınfektsııalaýdy bastadyq», - dedi Iran shekara qyzmeti bastyǵynyń orynbasary Ahmad Álı Gýdarzı.
