Iranda koronavırýstan kóz jumǵandar sany 43 boldy
TEGERAN. QazAqparat – Iranda koronavırýstan kóz jumǵandar sany 43-ke jetti. Taǵy 205 adam atalmysh vırýsty juqtyryp úlgergen, dep habarlaıdy QazAqparat IRNA agenttigine silteme jasap.
Bul jóninde senbi kúni eldiń densaýlyq saqtaý mınıstrliginiń ókili Kıanýsh Djahanpýr málimdedi. Onyń aıtýynsha, ınfektsııa juqtyrǵandar sany 593 boldy. Onyń ishinde 123 adam aýrýdan jazylǵan, 43 adam ómirden ozǵan.
«Jańa jaǵdaılardyń kópshiligi, ıaǵnı 52-si Tegeranda tirkelip otyr. Kýmda – 21, Gılıanda – 17, Golestanda – 22, Isfahanda – 12, Markazı provıntsııasynda – 18, Mazenderanda – 12, Ońtústik Horasanda – 1, Ilamda – 1, Fars provıntsııasynda – 8, Shyǵys Ázerbaıjanda – 6, Ardebılde – 3, Alborzda – 8, Semnanda – 4, Kúrdistanda – 5, Kazvınde – 6, Hýzestanda – 4, Sıstan jáne Belýdjıstan provıntsııasynda – 1 jáne Iezde – 4 jaǵdaı boldy. Onyń ishinde 9 adam qaıtys boldy», - dep atap ótti ol.
Aıta keteıik, búkil álemde 85 myńnan astam adam koronavırýs juqtyrǵan, onyń 2,9 myńy atalmysh indetten kóz jumdy.
