Iranda koronavırýstan kóz jumǵan adam sany 10 myńǵa jýyqtady
TEGRAN. IRNA – QazAqparat – Iranda koronavırýstan kóz jumǵandar sany 10 myń adamǵa jýyqtady, dep habarlaıdy QazAqparat IRNA agenttigine silteme jasap.
Jalpy ınfektsııa juqtyrǵandar sany 212 501-ge jetip, 9996 adam kóz jumdy. 172 096 azamat jazylyp shyqty. Bul týraly búgin Irannyń Densaýlyq saqtaý jáne medıtsınalyq bilim berý mınıstrliginiń baspasóz hatshysy Sıma Sadat Ları habarlady.
«Sońǵy táýlikte 2531 vırýs juqtyrý oqıǵasy anyqtalyp, 133 adam ómirden ótti. Osylaısha dertke shaldyqqandardyń jalpy sany 212 501 adamǵa, al qaıtys bolǵandardyń jalpy sany 9996-ǵa jetti», dedi ol baspasóz konferentsııasy kezinde.
Larıdiń aıtýynsha, 172 096 adam qaýipti indetten jazylyp shyqqan.