Iranda koronavırýstan qaıtys bolǵandar sany 5806-ǵa jetti
TEGERAN. IRNA-NUR-SULTAN. QazAqparat – Iranda koronavırýs juqtyrǵandar sany 91472-ge jetti, dep habarlaıdy QazAqparat IRNA agenttigine silteme jasap.
Qaýipti indetten 5806 adam qaıtys bolyp, 70933-i emdelip shyqty. Bul týraly dúısenbi kúni Densaýlyq saqtaý jáne medıtsınalyq bilim berý mınıstrliginiń Qoǵammen baılanys departamentiniń basshysy Kııanýsh Djahanpýr habarlady.
«Sońǵy táýlikte 991 koronavırýs juqtyrý oqıǵasy tirkeldi. Іndetke shaldyqqandardyń jalpy sany 91472 adamǵa jetti», - dep málimdedi Djahanpýr baspasóz máslıhatynda.
Ol ókinishke qaraı, sońǵy táýlikte 96 adam ómirden ótip, qaıtys bolǵandardyń jalpy sany 5806-ǵa jetkenin atap ótti.
Djahanpýrdyń sózinshe, 3011 naýqastyń jaǵdaıy aýyr. 70933 adam indetti jeńip shyqqan.
Jańa koronavırýs 2019 jyldyń jeltoqsan aıynyń sońynda Ortalyq Qytaıdyń halyq tyǵyz ornalasqan Ýhan qalasynda (12 mıllıon turǵyny bar) paıda boldy. Dúnıejúzilik densaýlyq saqtaý uıymy halyqaralyq dárejedegi tótenshe jaǵdaı jarııalady. Vırýs QHR-dan tys álemniń 200-den astam eline tarady.
