Iranda koronavırýstan 8 adam qaıtys boldy
TEGERAN. IRNA – QazAqparat – Iranda jańa tıpti koronavırýstan (Sovid-19) qaza tapqan adamdar sany 8-ge jetti. Bul týraly IIR Densaýlyq saqtaý mınıstrliginiń ókili Kıanýsh Djahanpýr málimdedi, dep habarlaıdy QazAqparat IRNA-ǵa siltememen.
Onyń aıtýynsha, 23 aqpandaǵy jaǵdaı boıynsha dertti juqtyrǵandar sany 43 adamdy qurap otyr.
«Jańa 15 adam aýrý juqtyrdy. Onyń jeteýi Kým, tórteýi Tegeran, ekeýi Gılıan, bireýi Markazı provıntsııasynda jáne taǵy bir adam Tonkabonda vırýsty juqtyrǵan», - dep habarlaıdy Djahanpýr.
Aıta keteıik, koronavırýs derti 2019 jylǵy jeltoqsan aıynda Qytaıdyń adamdar eń tyǵyz ornalasqan Ýhan qalasynda tarady. Bul qalada 12 mln turǵyn bar. Dúnıejúzilik densaýlyq saqtaý uıymy ony halyqaralyq masshtabtaǵy jaǵdaı dep baǵalady.
Qytaıdan tys 27 memlekette adamdar koronavırýs juqtyrǵan. Olardyń ishinde ıran da bar.
Osy kúnge deıin álemde bul indetten 2463 adam ajal qushty, al 78 000 adam koronavırýsty juqtyrǵan.
