Iranda koronavırýs juqtyrǵandar sany 8 myńnan asty
TEGERAN. IRNA – QazAqparat – Iran densaýlyq saqtaý mınıstrliginiń málimetinshe, elde koronavırýs juqtyrǵandar sany 8042 adamǵa jetti, dep habarlaıdy QazAqparat IRNA agenttigine silteme jasap.
Densaýlyq saqtaý mınıstrliginiń ókili Kıanýsh Djahanpýr sońǵy táýlikterde taǵy 881 adamnyń qaýipti indetti juqtyrǵanyn habarlady.
«Osylaısha Iranda koronavırýsqa shaldyqqandar sany 8042-ge jetti», - dep málim etti ol baspasóz máslıhatynda.
Kıanýsh Djahanpýrdyń sózine sensek, vırýs juqtyrǵandar ishinde 2731 adam aýrýdan aıyqqan. Al 291 adam kóz jumǵan.
