Iranda koronavırýs qurbandarynyń sany 54-ke jetti
TEGERAN. QazAqparat – Iranda 54 adam koronavırýstan kóz jumdy, dep habarlaıdy QazAqparat IRNA agenttigine silteme jasap.
Bir táýlikte taǵy 385 adam atalmysh vırýsty juqtyryp úlgergen. Bul jóninde jeksenbi kúni Iran Islam respýblıkasy densaýlyq saqtaý mınıstrliginiń ókili Kıanýsh Djahanpýr málimdedi.
Onyń aıtýynsha, ınfektsııa juqtyrǵandardyń jalpy sany - 978. Onyń ishinde júzden astam adam aýrýdan jazylǵan, 54 adam ómirden ozǵan.
«Jańa jaǵdaılardyń kópshiligi, ıaǵnı 170-i Tegeranda tirkelip otyr. Kýmda – 30, Gılıanda – 28, Isfahanda – 13, Markazı provıntsııasynda – 14, Mazenderanda – 11, Ońtústik Horasanda – 2, Ilamda – 1, Fars provıntsııasynda – 8, Horasan Razavıde – 17, Kermanshahta - 2, Lorestanda - 8, Hormozganda - 2, Hamadanda - 3, Alborzda – 31, Semnanda – 3, Kermanda - 2, Kúrdistanda – 5, Hýzestanda – 9, Sıstan jáne Belýdjıstan provıntsııasynda – bir jaǵdaı boldy. Onyń ishinde 11 adam qaıtys boldy», - dep atap ótti ol.
Eske sala keteıik, keshe mınıstrliktiń ókili Iranda 43 adamnyń koronavırýstan qaza tapqanyn málimdegen edi.
