Iranda kóne zamanda shógen oınaǵan alań tabyldy
NUR-SULTAN. QazAqparat – Irannyń batysyndaǵy Lorestan provıntsııasynda kóne zamanda shógen oınaýǵa arnalǵan alań tabyldy. Bul týraly IRNA agenttigine silteme jasap QazAqparat habarlaıdy.
«Bul maqsatty arheologııalyq qazba jumystarynyń arqasynda Lorestan provıntsııasynd a birinshi, Iranda jalpy úshinshi anyqtalǵan kóne oıyn alańy», - dedi provıntsııanyń mádenı mura, qolóner jáne týrızm uıymynyń basshysy Amın Kasemı.
Onyń aıtýynsha, arheologtar tastan qashalǵan tórt baǵanany anyqtaǵan. Olardyń sanaýynsha, bul oıyn alańynyń qaqpasy boldy.
«Olardyń bireýinde Sefevıdter dáýirine jatqyzylatyn parsy tilindegi jazba anyqtaldy», - deıdi Kasemı.
Anyqtalǵan nysandar Oshtorankýh taý tizbekterine jaqyn jerdegi Halılabad kentinde ornalasqan.
