Iranda kenishtegi jarylystan kóz jumǵandar sany 51 adamǵa jetti

ASTANA. KAZINFORM — Iranda kómir ken ornynda bolǵan jarylystan kóz jumǵandar sany 51 adamǵa jetti. Bul týraly 24.kz saıty jazdy.

Qaıǵyly oqıǵa Ońtústik Horasan provıntsııasyndaǵy Tabas qalasynda keshki saǵat 9-da boldy.

Jergilikti aqparat agenttiginiń habarlaýynsha, metan gazy jarylǵan. Qutqarý operatsııasy jalǵasyp jatyr.

«Sondyqtan qurbandar qatary áli de ósýi múmkin», – deıdi bılik ókilderi.

Jarylys bolǵan kezde jer astynda 69 jumysshy bolǵan, olardyń 17-si qutqaryldy. Túrli dene jaraqatyn aldy. Iran prezıdenti Masýd Pezeshkıan marqumdardyń týystaryna kóńil aıtty.

Eske salsaq, Irannyń Tabas qalasyndaǵy kómir shahtasynda metannyń aǵýy saldarynan kúshti jarylys boldy.

Buǵan deıin Qytaı shahtasynda apat bolyp, jeti adam qaza tapqanyn jazdyq.