Iranda qardyń qalyńdyǵy eki metrge jetti
ASTANA. QazAqparat - Irannyń soltústik provıntsııalarynda, atap aıtqanda, Kaspıı teńizi jaǵalaýynda tórt kúnnen beri tolassyz jaýýy saldarynan qardyń qalyńdyǵy eki metrge deıin jetti, dep habarlady reseılik «Jańalyqtar» agenttigi ırandyq ISNA aqparattyq agenttigine silteme jasap.
Agenttiktiń atap ótýinshe, qalyń túsken qar Kaspıı mańyndaǵy Mazendaran jáne Gılıan provıntsııasymen qatar, Kazvın, Kúrdistan, Kým, Isfahan sııaqty ortalyq provıntsııalarda, sonyń ishinde el astanasy - Tegeranda, sondaı-aq shyǵys jáne ońtústik-shyǵys provıntsııalarda qozǵalysty ishinara toqtatty.
Ásirese Irannyń taýly aýdandaryndaǵy kóptegen kúrejoldar men avtomagıstraldar kórinim nashar bolýynan jabyldy. Adamdarǵa kómek kórsetý úshin arnaıy tehnıka, áskerıler, sondaı-aq erikti halyq jasaqshylary jumyldyrylýda.
Irannyń soltústik-batys aýdandarynda, sonyń ishinde Ardebılde aýanyń temperatýrasy 21 gradýsqa deıin tómendedi. Tabıǵattyń tosyn minezine oraı provıntsııalarda qardyń mol túsýi men sýyqtyq saldarynan mektepter men balabaqshalar jabyldy. Tegerannyń soltústik aýdandaryndaǵy keıbir oqý oryndarynda temperatýra 10 gradýstan tómendegen.
Iran prezıdenti Hasan Roýhanı tıisti mınıstrlikter men vedomstvolarǵa qysqa merzimde zardap shekken provıntsııalardyń turǵyndaryna barlyq qajetti kómek kórsetýge, elektr energııasymen jáne sýmen jabdyqtaýdy qamtamasyz etýge, arnaıy tehnıkalarmen joldardy tazalaýǵa nusqaý berdi.
