10:11, 20 Maýsym 2025 | GMT +5
Iranda Islam revolıýtsııasy Qamqorshylar korpýsy barlaý qyzmetiniń jańa basshysyn taǵaıyndady
ASTANA. KAZINFORM — Iran ıslam revolıýtsııasy Qamqorshylar korpýsy Madjed Hademıdi barlaý qyzmetiniń basshysy etip taǵaıyndady, dep habarlaıdy Sınhýa.
Bul taǵaıyndaýdy IRQK bas qolbasshysy Mohammad Pakpýr jeksenbi kúni Tegeranda Izraıldiń áýe shabýyldary kezinde IRQK barlaý qyzmetiniń burynǵy basshysy Mohammad Kazemı men onyń orynbasary Hasan Mohakak qaza tapqan soń birneshe kún ótken soń jasady.
Buǵan deıin M.Hademı IRQK barlaýdy qorǵaý uıymyn basqarǵan.
Eske sala ketsek, 13 maýsymǵa qaraǵan túni Izraıl Iranǵa soqqy berip, áýe keńistigin jaýyp tastady.
Jaýap retinde Iran Izraılge 100-den astam dron jiberdi.
Buǵan deıin Tel-Avıvtegi Eýroodaq delegatsııasy ornalasqan aýdanǵa zymyran qulaǵanyn jazǵan bolatynbyz.