Iranda iri altyn baıytý zaýyty ashyldy
ASTANA. QazAqparat - Iranda senbi kúni Taıaý Shyǵystaǵy iri altyn baıytý zaýyty ashyldy, dep habarlady reseılik «Jańalyqtar» agenttigi.
Assoshıeıted Press agenttiginiń habarlaýynsha, eldiń soltústik-batysyndaǵy Tekab qalasynyń mańynda zaýyttyń saltanatty ashylýyna eldiń birinshi vıtse-prezıdenti Eshak Djahangırı qatysty.
Agenttiktiń habarlaýynsha, altyn baıytý zaýyty altyn kenishiniń mańynda ornalasqan. Endi bul zaýyt baǵaly metall shyǵarý kóllemin eki ese ulǵaıtpaq. Eldiń memlekettik telearnasynyń habarlaýynsha, buǵan deıin Iran jylyna 3 tonna altyn shyǵaryp kelgen. Zaýytta altynnan basqa, 2,5 tonna kúmis jáne bir tonna synap shyǵarylatyn bolady.
