Iranda ınternet qyzmeti tolyq derlik toqtatyldy
ASTANA. KAZINFORM — Taıaý Shyǵystaǵy Kazinform agenttiginiń menshikti tilshisiniń habarlaýynsha, qaqtyǵystar aıasynda ulttyq ınternet baılanysynyń deńgeıi qalypty kórsetkishtiń 4%-yna deıin tómendedi.
Halyqaralyq NetBlocks uıymynyń habarlaýynsha, Iranda ınternet qyzmeti tolyq derlik toqtatylǵan. Uıym ǵalamdyq jeliniń jaǵdaıyn baqylaýmen aınalysady.
Baqylaý derekterine sáıkes, el boıynsha ınternet baılanysynyń deńgeıi qalypty kórsetkishtiń 4%-yna deıin tómendegen. Buryn tek keıbir aımaqtarda, sonyń ishinde Tegeran astanasynda ǵana úzilister tirkelgen edi, alaıda sońǵy málimetter búkil el boıynsha jelige qoljetimdiliktiń kúrt tómendegenin kórsetip otyr.
⚠️ Confirmed: Network data show #Iran is now in the midst of a near-total internet blackout with national connectivity at 4% or ordinary levels. The incident comes amid US and Israeli combat operations and matches measures used during last year's war with Israel. pic.twitter.com/1XunOr4Q19
— NetBlocks (@netblocks) February 28, 2026
NetBlocks uıymy bul oqıǵanyń AQSh pen Izraıl qatysqan qaqtyǵystar kezinde bolǵanyn jáne ótken jylǵy Iran men Izraıl arasyndaǵy qaqtyǵys kezinde qoldanylǵan sharalarǵa sáıkes keletinin atap ótti.
Resmı Iran bıligi áli ınternetke qoljetimdilik jaǵdaıy boıynsha pikir bildirgen joq.
Senbi kúni Izraıl Iranǵa soqqy jasap, AQSh prezıdenti Iranǵa qarsy aýqymdy áskerı operatsııanyń bastalǵanyn jarııalaǵan bolatyn.