Iranda generaldyń molasynyń janyndaǵy jarylystan mert bolǵandar sany 100-den asty

Irannyń ońtústiginde Kerman qalasyndaǵy molanyń janynda bolǵan eki jarylys saldarynan keminde 103 adam mert bolyp, 170-ten astam adam jaraqat alǵan.

Bul týraly Iran BAQ-tary málim etti, dep habarlaıdy Kazinform BBC agenttigine silteme jasap.

Jarylys qurbany bolǵan jáne zardap shekkender Islam revolıýtsııasy saqshylary korpýsynyń generaly Kasem Súleımanıdiń ómirden ótkenine 4 jyl tolýyna arnalǵan rásimge kelgen. Iran bıligi bul oqıǵany terrorıstik akt dep baǵalady.

Irannyń memlekettik buqaralyq aqparat quradarynyń habarlaýynsha, arnaıy rásim barysynda eki jarylys bolǵan.

Irannyń «Habar» kanalyna suhbat bergen eldiń Іshki ister mınıstri Ahmad Vahıdı bul oqıǵany qasaqana uıymdastyrylǵan áreket dep baǵalady.

Onyń sózinshe, birinshi jarylys jergilikti ýaqyt boıynsha saǵat 3:00 kezinde bolǵan. Al 3:20 kezinde qutqarýshylar men ózge de adamdar zardap shekkenderge kómekke kelgende ekinshi jarylys bolǵan.

Osyǵan deıin Irandaǵy jarylystan mert bolǵandar sany 73-ke jetkenin habarladyq.