Iranda ǵarysh kemesiniń jańa modeli jasaldy
ASTANA. QazAqparat - Iran salmaǵy 300-500 keli bolatyn ǵarysh kemesiniń dızaıny men modelin jasap shyǵardy. Ol ǵaryshqa adamdardy ǵana emes, janýarlardy da ushyrýǵa arnalǵan. Bul týraly Irannyń astronavtıka ınstıtýtynyń janyndaǵy zertteý ortalyǵynyń basshysy Muhammed Ibragımı aıtty, dep habarlady ırandyq BAQ-qa silteme jasaǵan RBK.
Ibragımıdiń sózine qaraǵanda, atalǵan joba ınstıtýttyń negizgi baǵdarlamalarynyń biri. Bul baǵdarlamanyń túpki maqsaty adamdardy Jer aınalasyndaǵy orbıtaǵa ǵaryshqa jiberý bolyp tabylady jáne atalǵan maqsatqa ortasha merzimdi bolashaqta qol jetkizý kerek.
Ibragımı sonymen birge ǵarysh kemesiniń tujyrymdamalyq modeli Tegerannyń Ámir Kabır tehnologııalar polıtehnıkalyq ýnıversıtetimen yntymaqtastyqta jasalǵanyn jáne atalǵan kemelerdi Iran ǵarysh agenttigi tarapynan bekitilgennen keıin shyǵarý kútilip otyrǵanyn jetkizdi.
Ol maquldanǵan jaǵdaıda bul kemelerdi Jer orbıtasyna shyǵarý 2017 jylǵa josparlanǵan.
