Iranda fýtbolshy qyzdar hıdjab kıip oınaıdy
ASTANA. 15 qyrkúıek. QazAqparat - Iran qyzdardyń fýtbol qurama komandasy úshin jańa kıim úlgisin ázirleýde, dedi Iran fýtbol federatsııasy tóraǵasynyń áıelder fýtboly máselesi jónindegi orynbasary Farıda Shodjaı, dep habarlaıdy Ázirbaıjannyń «Trend» portaly «Iran» radıosyna silteme jasap.
Shodjaıdyń aıtýynsha, Iran federatsııasynyń ókilderi FIFA basshysy Iozef Blattermen jáne qaýymdastyqtyń tártip komıssııasynyń múshelerimen kezdesip, ıslam talaptaryna jaýap beretin ári FIFA mindetterin de buzbaıtyn jańa sporttyq kostıým ázirleýge kelisken kórinedi.
Fýtbolshy qyzdarǵa jańa forma daıyndaý úshin birneshe sángerler tartylǵandyǵyn tilge tıek etedi jaýapty qyzmetker.
«Forma FIFA bekitkennen keıin paıdalanylatyn bolady», - dedi Shodjaı.
