Iranda «Elektr polıtsııasy» paıda boldy
TEGERAN. QazAqparat - Iranda energııa aqysynyń tómendigi de toq urlaý faktilerine tosqaýyl bola almady. IIR Energetıka mınıstrligi energııa únemdeý tehnologııalaryn damytý jáne engizý josparyn oryndaý sheńberinde elektrdi zańsyz tutynýdy anyqtaý men jolyn kesý jumystaryn bastady. «Mehr» agenttigi habarlaǵandaı, «Elektr polıtsııa» quryldy, dep jazady «TASS».
Iranda eger eń joǵary baǵa saǵatyna shamamen 500 rıal (2 tsent) kılovatt bolsa, úı sharýashylyǵynda ortasha aılyq tutyný saǵatyna 300 kılovatty qurap, jalpy tólem somasy 6 dollardan aspaıdy. Osyǵan qaramastan kóptegen otbasy elektr taratý jelilerine zańsyz qosylyp alady.
Energetıka mınıstri Hýshang Falahatıannyń aıtýynsha, úkimet elektr shyǵynyn 15-ten 10 paıyzǵa qysqartý mindetin qoıdy. «Biz bul jospardy qysqa merzimde oryndaý úshin jedel sharalar qabyldaýdy bastaımyz. El boıynsha zańsyz qosylǵan elektr symdaryn qıyp tastaımyz», - dedi ol.
