Iranda eki ret jer silkindi
ASTANA. KAZINFORM — Jer asty dúmpýleri eldiń batysynda tirkeldi. Bılik zardaptardy baǵalaý jumystaryn júrgizip jatyr, dep habarlaıdy Kazinform agenttiginiń Taıaý Shyǵystaǵy menshikti tilshisi.
20 shilde kúni tańerteń Irannyń Kermanshah provıntsııasynda arasy bes mınýt bolatyn magnıtýdasy 5,2 jáne 5,7 baldyq eki jer silkinisi boldy. Bul týraly Mehr News agenttigi habarlady.
Tegeran ýnıversıteti janyndaǵy Irannyń seısmologııalyq ortalyǵynyń málimetinshe, magnıtýdasy 5,2 bolǵan alǵashqy jer silkinisi jergilikti ýaqyt boıynsha saǵat 07:13–te Kermanshah provıntsııasyndaǵy Kýzaran aýdanynda 8 shaqyrym tereńdikte tirkelgen.
Bes mınýttan keıin 13 shaqyrym tereńdikte magnıtýdasy 5,7 bolatyn ekinshi jer asty dúmpýi boldy.
Two earthquakes above 5 on the Richter scale jolted Kuzaran area of Kermanshah province, Western Iran, on Monday morning.
— Iran's Today (@Iran) July 20, 2026
The first earthquake measuring 5.2 on the Richter scale shook the area near Kuzaran at 7:13 a.m local time.
Five minutes later, another earthquake measuring… pic.twitter.com/NKidvkGMFZ
Irannyń Daǵdarys jaǵdaılaryn basqarý uıymynyń málimetine sáıkes, úsh adam jaraqat alǵan. Jer silkinisi bolǵan aýdanǵa qutqarý, jedel áreket etý jáne quqyq qorǵaý qyzmetteri jiberildi.
Bılik ókilderi sý, gaz jáne elektrmen jabdyqtaý júıeleri qalypty rejımde jumys istep turǵanyn habarlady.
Kermanshah provıntsııasynyń gýbernatory adam shyǵyny joq ekenin, keltirilgen zalal eski bos turǵan ǵımarattardyń jarylýy men jekelegen nysandardyń zaqymdanýymen shektelgenin aıtty. Onyń sózinshe, tótenshe jaǵdaı rejımin engizý qajettiligi týyndamaǵan.
Keıin Irannyń Joldar, turǵyn úı qurylysy jáne qala qurylysy zertteý ortalyǵy eki jer silkinisiniń de tabıǵı sıpatta bolǵanyn málimdedi. Vedomstvo tirkelgen seısmıkalyq tolqyndardy taldaý nátıjesinde jer asty dúmpýleri jarylystarmen baılanysty degen boljamdar rastalmaǵanyn atap ótti.
Eske salaıyq, buǵan deıin Irannyń ońtústik-batysyndaǵy Hýzestan provıntsııasynda magnıtýdasy 5 baldyq jer silkinisi tirkelgen bolatyn. Onyń epıtsentri Saland qalasy mańynda ornalasyp, oshaǵy 8 shaqyrym tereńdikte bolǵan.
