Iranda Brıtanııa elshiligi qaıtadan ashylady
ASTANA. QazAqparat - Brıtanııa osy aptanyń sońynda Iran astanasynda óz elshiligin qaıta ashady. Aǵylshyn elshiligi 2011 jyly kóterilisshilerdiń Tegerandaǵy ǵımaratqa basyp kirýine baılanysty jabylǵan bolǵan bolatyn. Ol kezde ózge de dıplomatııalyq keńselerde qujattar urlanǵan bolatyn, dep habarlady VVS agenttigi.
Sol kezde Brıtanııa Irandaǵy elshiligin jaýyp, óz elindegi Iran elshilerin elden shyǵaryp jibergen bolatyn. Tamyz aıynda Anglııa Syrtqy ister mınıstri Fılıp Hemmond Tegerendaǵy elshilik jumysyn qaıta jandandyrǵysy keletinin málimdegen bolatyn. 14 shilde kúni Vena qalasynda AQSh, Germanııa, Frantsııa, Brıtanııa, Qytaı, Reseı («altylyq») Irannyń ıadrolyq qarý týraly máselesinde ortaq kelisimge kelgen bolatyn. Ondaǵy qujatqa baılanysty Iran ýran óndirýdi toqtatyp, odan halyqaralyq sanktsııa alynady.
