Iranda Brıtanııa elshiligi qaıta ashyldy
ASTANA. QazAqparat - Ulybrıtanııa Iran astanasynda óz elshiligin qaıta ashty. Ol 2011 jyly kóterilisshilerdiń ǵımaratqa, sonymen birge Tegerandaǵy ózge de brıtanııalyq dıplomattyq ókildikke basyp kirip, keńselerdi qıratyp, qujattardy urlaýyna baılanysty jabylǵan.
Sol kezde London Irandaǵy elshiligin jaýyp qana qoımaı, sonymen birge óz elindegi Iran elshilerin elden shyǵaryp jibergen.
Jeksenbide Ulybrıtanııanyń syrtqy ister mınıstri dıplomatııalyq mıssııanyń ashylýyna qatysý úshin Iran astanasyna bardy. Hemmond ǵımarattaǵy brıtandyq týdy kóterdi.
14 shildede Venada "altylyq" (AQSh, Germanııa, Frantsııa, Brıtanııa, Reseı jáne Qytaı) pen Iran ırandyq ıadrolyq qarýdy retteý boıynsha máselede ortaq kelisimge keldi.
Qujatqa sáıkes, Iran ýran óndirýdi toqtatyp, odan halyqaralyq sanktsııa alynady.
