Iranda bolǵan terakt qurbandarynyń sany 24-ke jetti
TEGERAN. QazAqparat - Irannyń Ahvaz qalasynda áskerı sherý kezinde bolǵan teraktiden qurban bolǵandardyń sany 24 adamǵa jetti jáne olardyń sany áli ósýi múmkin. Sebebi jaraqat alǵandardyń kópshiliginiń jaǵdaıy múshkil, dep habarlaıdy IRNA agenttigi.
Derekkózdiń habarlaýynsha, zardap shekken 53 adam aýrýhanaǵa jetkizilgen. Olardyń arasynda áıelder men balalar da bar.
24 adamdy qurban etken Ahvazdaǵy terakt úshin jaýapkershilikti «Al-Ahvaz» separatıstik toby moıyndaryna aldy.
Senbi kúni Irannyń Ahvaz qalasynda belgisiz adamdar beıbit turǵyndarǵa oq jaýdyrdy. Hýzestan provıntsııasynyń gýbernatorynyń habarlaýynsha, shabýyl jasaǵandar tórteý. Olardyń ekeýin atyp tastaǵan, taǵy ekeýi qolǵa túsken.
Áskerı parad búgin Irannyń kóptegen qalalarynda ótip jatyr.
