Iranda bolǵan ot festıvalinde 70-ten astam adam zardap shekti
ASTANA. 14 naýryz. QazAqparat - Iranda bolǵan jyl saıynǵy Chaharshanbe-Sýr ot festıvalinde oqys oqıǵa oryn aldy, 70-ten astam adam zardap shegip, bir adam mert boldy.
Bul týraly RBK saıty habaralady.
Asa aýyr jaraqat alǵan, tútinge býlyqqan jáne kúıik shalǵan 42 adam aýrýhanaǵa jetkizildi, dep habarlaıdy ırandyq BAQ-qa silteme jasaı otyryp Associated Press agenttigi.
Ot merekesi 21-shi naýryzda keletin jańa jyldyń aldynda jyl saıyn atalyp ótiledi. Dástúr boıynsha Chaharshanbe-Sýr bul meıramdy toılaý barysynda ırandyqtar ottan sekirip, ot shashý men petardalardy jaǵady. Osy arqyly adamnyń jany tazaratyn kórinedi.
Aıta keteıik, Reseıde de pırotehnıka men petardalardy qoldaný arqyly mereke uıymdastyrady. 2009 jyldyń jeltoqsan aıynda Permdegi «Hromaıa loshad» klýby jetekshisiniń óz qyzmetine jaýapsyzdyǵy saldarynan bolǵan órtten 156 adam kóz jumyp, 83 adam jaraqat alǵan edi.
