Iranda Boeing jolaýshylar ushaǵy apatqa ushyrady
ASTANA. 10 qańtar. QazAqparat - Irannyń soltústik-batysynda Iran Air avıakompanııasynyń jolaýshylar ushaǵy apatqa ushyrady, dep habarlady Reuters agenttigi jergilikti telearnaǵa silteme jasap. Ushaq bortynda 105 adam bolǵan.
Apat 9 qańtar kúni Máskeý ýaqytymen 20:15-te boldy dep málim etti ókimet oryndary. Ushaq Ýrýmııe qalasy mańynda qulady. Áýe kemesin Boeing kompanııasy shyǵarǵan.
Aldyn ala málimetter boıynsha, 72 adam qaza boldy, 33-i tiri qaldy. Jaralanǵandar aýrýhanaǵa jetkizildi.
Irannyń qutqarýshylar qyzmetiniń paıymdaýynsha, apat sebebi aýa raıynyń nashar bolýynan bolsa kerek - laıner alǵashqyda qona almaǵan, al ekinshi áreketten keıin áýejaıdan birneshe klıometr jerge qulaǵan.
