Iranda Azııadaǵy eń úlken tuzdy kól qurǵap ketti
ASTANA. KAZINFORM – Iranda Azııadaǵy «jasy» 4000 jyldan asqan eń úlken tuzdy kól – Ýrmııa tolyǵymen qurǵap qaldy, dep habarlaıdy Bild.
1980 jyldary kóldiń uzyndyǵy 140 shaqyrym, al eni 55 shaqyrym bolatyn, biraq 2025 jyldyń jazyna qaraı jerserikten túsirilgen sýretterge qaraǵanda odan birneshe shalshyq qalǵany kórinip tur.
Іran News Update málimetinshe, elde mıllıonnan astam zańsyz qudyq bar, olar jyldar boıy jer asty sýlaryn taýysqan.
Jaǵdaıdy aýyl sharýashylyǵy ýshyqtyryp tur: ol Irannyń sý resýrstarynyń 88%-yn tutynady, biraq jalpy ishki ónimniń 10%-ǵa jýyǵyn ǵana berip otyr. Saldarynan el jyl saıyn tabıǵı resýrstar toltyra alatyn sýdan 43 mln tekshe metrge kóp sýdy tutynyp keledi.
Ýrmııanyń joıylyp ketýi júzdegen myń adamnyń ómirine áser etti: qazir aımaq topyraqty buzyp, aýyl sharýashylyǵyn júrgizýdi múmkin etpeıtin tuzdy daýyldardan zardap shegip otyr.
Eske salaıyq, shildede Iran prezıdenti Tegerandaǵy sý máselesi kúrdeli ekenin málimdedi.
Pezeshkıan sondaı-aq bul jaǵdaıdyń ótkendegi durys emes sheshimderden týyndaǵanyn atap ótti.
Tamyz aıynda Pezeshkıan ırandyq ǵalymdar men ıntellıgentsııany sý daǵdarysyn sheshýge kómektesýge shaqyrdy.