Iranda ajyrasý toıy sánge aınaldy
ASTANA. QazAqparat - Irandyq qalalarda ajyrasýǵa baılanysty saýyq keshterin uıymdastyrý keńinen qanat jaıyp barady.
Osyndaı jıyndarda qara raýshan gúlderi men torttar satyp alynyp, arnaıy shaqyrý hattary taratylady eken. «Eń aldymen qara raýshan gúline tapsyrys berý úshin florıstke barady. Budan keıin shaqyrý hattaryn alý úshin bizge keledi»,-deıdi dúkenderdegi satýshylardyń biri sheteldik basylymǵa bergen suhbatynda. Belgili bolǵandaı, osyndaı shaqyrtý hattaryna sońǵy eki jylda suranys edáýir artqan kórinedi. Eldiń bıligi men din basylary ajyrasý oqıǵalaryna baılanysty saýyq keshterin ótkizý sánge aınalyp bara jatqanyna alańdaýshylyq bildirýde. Ótken jyly Irandaǵy ajyrasýlar 4,6 paıyzǵa artyp, osy kezeńde tirkelgen nekeler 4,4 paıyzǵa kem bolǵan. Irandaǵy nekelerdiń 20 paıyzǵa jýyǵy ajyrasýmen aıaqtalady, dep jazady sheteldik BAQ.
