Iranda aýanyń lastaný deńgeıi shekteýli normadan 37 ese asyp ketken
TEGERAN. QazAqparat - Irannyń ońtústigindegi Sıstan-Belýdjıstan provıntsııasynyń Zabýl qalasynda aýanyń lastaný deńgeıi shekteýli normasynan 37 ese asyp ketken, dep habarlaıdy Anadoly agenttigi.
Mehr News Iran aqparattyq agenttigine Zabýldyń meteorologııalyq qyzmetiniń basshysy Hýseıın Ibadı málim etkendeı, aýanyń lastaný deńgeıiniń ósimi jyldamdyǵy saǵatyna 115 shaqyrymǵa jetetin qatty jelmen baılanysty bolyp shyqty.
Ibadı atmosferalyq aýadaǵy lastaýshy zattardyń shoǵyrlanýynyń shekti deńgeıi bir tekshe metr úshin 150 mıkrogramnan aspaýy tıis ekenin erekshe atap ótti.
Onyń aıtýynsha, Zabýl áýejaıyndaǵy kórý deńgeıi 500 metrden kem bolyp otyr.
