Iranda áskerı tikushaq apatynan tórt adam qaza tapty
ASTANA. KAZINFORM — Qaıǵyly oqıǵa eldiń ortalyq bóliginde jattyǵý oryndaý kezinde boldy, dep habarlaıdy Kazinform-nyń Taıaý Shyǵystaǵy menshikti tilshisi.
Irandyq BAQ habarlaýynsha, 24 aqpan kúni tańerteń Isfahan provıntsııasynyń Dorche qalasynda ırandyq áskerı tikushaq apatqa ushyrady.
Aldyn ala aqparat boıynsha, áýe kemesi jattyǵý mıssııasyn oryndaǵan. Tikushaq Homeını-Shahr aýdanyndaǵy kókónis-jemis kóterme bazarynyń aýmaǵyna qulap, artynan órt shyqqan. Tótenshe jaǵdaılar qyzmeti órtti tez arada sóndirdi.
A helicopter crashed minutes ago in Dorcheh, Isfahan Province. pic.twitter.com/fVV8K303Op
— Mehr News Agency (@MehrnewsCom) February 24, 2026
Oqıǵa kezinde ushqysh pen ekinshi ushqysh, sondaı-aq bazar dúńgirshekterinde jumys isteıtin eki beıbit turǵyn qaza tapty. Resmı organdar tórt adamnyń qaza tapqanyn rastady.
Iran memlekettik teledıdarynyń málimetinshe, apatqa tehnıkalyq aqaý sebep bolýy múmkin. Apattyń mán-jaıy men oǵan qatysty sońǵy qorytyndy ázirge jarııalanǵan joq.
More pictures of the helicopter crash in Dorcheh, Isfahan province, which claimed the lives of four people
— Press TV 🔻 (@PressTV) February 24, 2026
Follow: https://t.co/mLGcUTS2ei pic.twitter.com/QE1vfmpdSB
Ótken aptada Iran áskerı-áýe kúshteriniń F-4 joıǵysh ushaǵy batystaǵy Hamadan provıntsııasynda jattyǵý ushýy kezinde apatqa ushyrap, ushqyshtardyń biri qaza tapty. Resmı qurylymdar eki oqıǵaǵa qatysty tergeý amaldaryn jalǵastyryp jatyr.
Osyǵan deıin Perýde tikushaq qulap, 15 adam mert bolǵanyn habarladyq.
Al ótken aıda Japonııanyń Kýmamoto prefektýrasynda bortynda úsh adam bolǵan týrıstik tikushaq joǵalyp ketti.