Iranda ártis áıel tyıym salynǵan fılmge túskeni úshin dúre soǵý jazasyna kesildi
ASTANA. 10 qazan. QazAqparat - Iranda tyıym salynǵan kınojobaǵa qatysqan áıel 90 ret dúre soǵý jáne Úkimet bıliginiń bedelin túsirgeni úshin 1 jyl bas bostandyǵynan aıyrý jazasyna kesildi.
Ártis áıel Marzııah Vafamehrdiń isine qatysty sottyń sheshimi birneshe aıǵa sozylǵan tergeý amaldarynan keıin jeksenbi kúni jarııalandy, dep habarlaıdy Life News.
Portaldyń habarlaýynsha, ártis bıylǵy jyldyń shilde aıynda «Meniń satqyn Tegeranym» atty fılm kógildir ekranǵa shyqqannan keıin ustaldy.
Iran-avstrııalyq birlesip shyǵarǵan kınopovest teatrdaǵy shyǵarmashylyq qyzmeti úshin bıliktiń qýdalaýyna tap bolǵan ártis áıel jaıynda bolatyn.
Kınonyń keı jerinde qyzdyń taqyrlanyp alynǵan basyna oramal taqpaı shyqqan kórinister bar.
Túsirilim jumystary kezinde-aq kartına Irannyń konservatorlyq kózqarastaǵy ortasy arasynda narazylyq týdyra bastady. Fılmniń kórsetilimine ruqsat berilmeı, ol zańsyz túrde júzege asqan bolatyn.
Vafamehrdiń avokaty sot sheshimine qatysty joǵarǵy quzyrly mekemelerge shaǵymanbaq.
