Iranda «Amad news» oppozıtsııalyq jańalyqtar portalynyń basshysyn ólim jazasyna kesti
TEGERAN. IRNA - QazAqparat – Búgin, tańerteń Tegeranda «Amad news» kontrrevolıýtsııalyq jáne oppozıtsııalyq jańalyqtar portalynyń basshysy Rýholla Zamdy darǵa asty, dep habarlaıdy QazAqparat IRNA agenttigine silteme jasap.
8 jeltoqsan kúni Irannyń sot bıliginiń resmı ókili Golem Hosseın Esmaılı eldiń Joǵarǵy soty oppozıtsııalyq jańalyqtar portalynyń basshysyn ólim jazasyna kesý jaıly ókim shyǵarǵandyǵyn málim etti. Irannyń sot bıligi Rýholla Zamǵa jalǵan jańalyqtardy taratty jáne memlekettiń ekonomıkalyq júıesine zardap keltirdi degen aıyp taqqan. Sondaı-aq oǵan Telegram-da Amad news oppozıtsııalyq arnasyn qurdy degen aıyp taǵyldy.
Alty sot otyrysynan keıin Rýholla Zamǵa shyǵarylǵan ókim oryndaldy.
