Iranda AQSh, Izraıl jáne Ulybrıtanııaǵa baılanysty tyńshylyq jelileri joıyldy
ASTANA. KAZINFORM — Islam revolıýtsııasy saqshylar korpýsy (KSIR) barlaý uıymy aýqymdy arnaıy operatsııa júrgizdi, dep habarlaıdy IRNA agenttigi.
Nátıjesinde korpýs AQSh, Izraıl jáne Ulybrıtanııanyń arnaıy qyzmetterimen baılanysy bar agenttik uıashyqtar anyqtalyp, joıylǵanyn málimdedi.
Resmı aqparatqa sáıkes, jedel is-sharalar bir ýaqytta eldiń úsh strategııalyq óńirinde ótkizilgen: Shyǵys Ázerbaıjan (Irannyń soltústik-batysy), Mazenderan (soltústik jaǵalaý aımaǵy).
— Operatsııa barysynda barlyǵy 127 adam ustalǵan. Top múshelerinen atys qarýy, oq-dári jáne tyńshylyq pen baılanysqa arnalǵan arnaıy jabdyqtar tárkilengen, — delingen habarlamada.
Budan buryn Iran AQSh pen Izraıl shabýyldarynan kelgen shyǵyndy $270 mlrd dep baǵalaǵanyn jazǵan edik.
Keshe qaqtyǵys bastalǵannan beri birinshi krýızdik keme Ormýz buǵazy arqyly ótkeni belgili boldy.
Osyǵan deıin jýrnalıst, áskerı sarapshy Amangeldi Qurmetuly Iran AQSh-qa nelikten sátti toıtarys bergenin aıtyp berdi.
Sonymen qatar, ol AQSh pen Iran kelissózderi nelikten nátıjesiz aıaqtalǵanyna qatysty pikir bildirdi.
