Iranda Abaı shyǵarmalarynyń aýdarmashysyna ІІ dárejeli «Dostyq» ordeni tabys etildi
Abaı Qunanbaıulynyń murasyn nasıhattaýǵa sińirgen eńbekteri úshin ony marapatpen nagradtaý týraly Jarlyqqa Prezıdent Qasym-Jomart Toqaev 2020 jylǵy 4 tamyzda qol qoıǵan bolatyn.
Orden tapsyrylǵannan keıin Q.Shatqam Abaı eńbekterin zerdeleýge arnaǵan 20 jyldyq eńbegin joǵary baǵalaǵany úshin Qazaqstan basshylyǵyna alǵys aıtty. Ol uly aqynnyń dúnıetanymynyń kóptegen belgileri, sondaı-aq Qazaqstannan shyqqan basqa da ataqty Ábý Nasyr ál-Farabıdiń de qazaqtarǵa, parsylarǵa jáne arabtarǵa ǵana emes, búkil adamzatqa ortaqtyǵyn atap ótti. Ol óziniń tarıhı otanyna tabys tilep, aldaǵy ýaqytta da Iranmen mádenı baılanystarynyń damýyna óz úlesin qosýǵa nıetti ekenin málimdedi.
Іs-sharanyń jalǵasy retinde Qazaqstannyń Gorgan qalasyndaǵy Bas konsýldyǵy janyndaǵy Abaı ortalyǵynyń saltanatty ashylýy ótti. Oǵan Qazaqstan Elshisi Ashat Orazbaı, Irannyń Gúlstan provıntsııasy gýbernatorynyń birinshi orynbasary Ibrahım Karım, Gorgan qalasy ákimshiliginiń jáne qazaq dıasporasynyń ókilderi qatysty.
A. Orazbaı qazirgi qazaq jazba ádebıetiniń negizin qalaýshynyń jarqyn shyǵarmashylyǵy týraly egjeı-tegjeıli aıtyp, onyń qalyptasýyna Iran men Shyǵys pen Batystyń basqa da elderi poezııasynyń klassıkteriniń shyǵarmalary eleýli yqpal etkenin atap ótti. Elshi aqyn retinde ǵana emes, óz halqyn únemi jańa bilim izdeýge jáne ǵylymdardy túsinýge shaqyrǵan iri oıshyl jáne aǵartýshy retinde onyń qundy zııatkerlik murasyna erekshe toqtaldy.
Gúlstan provıntsııasy gýbernatorynyń birinshi orynbasary ál-Farabıdyń 1150 jáne Abaıdyń 175 jyldyq mereıtoılarynyń eki el halyqtar arasyndaǵy dostyq pen yntymaqtastyqty damytýdaǵy erekshe mańyzdylyǵyn atap ótti. Qazaqstannyń Mańǵystaý oblysy men Irannyń Gúlstan provıntsııasy arasynda ornatylǵan ornaǵan ózara yntymaqtastyq sheńberinde saýda-ekonomıkalyq, mádenı, bilim, týrıstik jáne emdik týrızmdi damytýda ıgi qadamdar jasalýda. Gorgan men Aqtaý arasynda tikeleı áýe qatynasyn ornatý, gúlstandyq bıznesmenderdiń Mańǵystaý oblysynda ınvestıtsııalyq jobalardy iske asyrý, ózara mádenı-sporttyq sharalardy ótkizý boıynsha kelisýler júrgizilýde, dep jarııalady I.Karımı.
Іs-shara qonaqtaryna ál-Farabı men Abaıdyń ómiri men shyǵarmashylyǵy, sondaı-aq qazirgi Qazaqstan týraly baspa jáne ıllıýstratsııalyq materıaldar taratyldy.
Osy is-sharaǵa qatysý sheńberinde Gúlstan provıntsııasyna jasaǵan issapary barysynda A.Orazbaı óńirdegi qazaq qandastarymyzdyń belsendilerimen kezdesýler ótkizip, qazaqtar turatyn eldi mekenderde boldy. Suhbattar barysynda Elshi Qazaqstanda bolyp jatqan oń ózgerister týraly baıandap, elimizdiń kóshi-qon saıasaty men shet elderdegi qandastarymyzǵa kórsetilip otyrǵan qoldaýlar jóninde áńgimelep berdi.
Qazaq dıasporasy jınaqy ornalasqan Gorgan qalasynda ashylǵan ortalyq ırandyqtarǵa elimizdiń mádenıeti men ǵylymy týraly ǵana emes, onyń ózekti saıası, ekonomıkalyq jáne áleýmettik jetistikteri týraly kóbirek bilýge múmkindik beredi.
