Iranda 8 myńnan astam adam koronavırýstan kóz jumdy
TEGERAN. IRNA-QazAqparat – Iranda jańa tıpti koronavırýstan qaıtys bolǵandar sany 8012 adamǵa jetti, dep habarlaıdy QazAqparat IRNA agenttigine silteme jasap.
Elde 160 myń 396 indet juqtyrý oqıǵasy tirkelip, 125 206 naýqas emdelip shyqty. Bul týraly búgin Islam Respýblıkasynyń Densaýlyq saqtaý mınıstrliginiń ókili Kıanýsh Djahanpýr habarlady.
«Sońǵy táýlikte 3134 koronavırýs juqtyrý oqıǵasy tirkeldi. Jalpy indet juqtyrǵandar sany 160 396 adam boldy» dedi Djahanpýr baspasóz konferentsııasynda.
Ol sońǵy táýlikte 81 adamnyń qaıtys bolǵanyn jáne vırýs juqtyrǵan 2557 naýqastyń jaǵdaıy aýyr ekenin atap ótti.
Jańa koronavırýs 2019 jyldyń jeltoqsanynda ortalyq Qytaıdyń halyq tyǵyz qonystanǵan Ýhan qalasynda paıda boldy. Dúnıejúzilik densaýlyq saqtaý uıymy ony halyqaralyq dárejedegi tótenshe jaǵdaı dep sıpattady.
QHR bólek 200 elde vırýs juqtyrǵan adamdar anyqtaldy, onyń ishinde Iran da bar.
