Iranda 8 lańkeske ólim jazasy oryndaldy
ASTANA. QazAqparat - Iranda DAISh lańkestik tobynyń (Qazaqstanda jáne ózge de birqatar memleketterde tyıym salynǵan) 8 múshesine qatysty ólim jazasy iske asyryldy, dep habarlaıdy QazAqparat IRNA agenttigine silteme jasap.
11 maýsym kúni Joǵarǵy sot DAISh lańkesterine qatysty asa aýyr jazany rastaǵan bolatyn. Jeti sot otyrysynan keıin 8 lańkes ólim jazasyna kesildi.
Aıta ketsek, olar 2017 jyldyń 7 maýsymy kúni Tegeranda parlament ǵımaratyna jáne Homeını mazaryna shabýyl jasady. Saldarynan 17 adam qaza taýyp, taǵy 43-i jaraqattandy.
