Iranda 8 alpınıstiń máıiti tabyldy
ASTANA.QazAqparat - Irannyń batys aımaǵyndaǵy Lorestan provıntsııasynan 8 alpınıstiń máıiti tabyldy, dep habarlaıdy IRNA .
«Qutqarýshylar Irannyń batys aımaǵyndaǵy Lorestan provıntsııasynan 8 alpınıstiń máıitin taýyp aldy, taǵy bireýi iz-tússiz joǵalyp ketken»,- dedi provıntsııanyń daǵdarysty ahýal basqarmasynyń basshysy Reza Arıaı.
Beısenbi kúni 15 ırandyq alpınıster toby Lorestan provıntsııasyndaǵy Oshtorankýh taýynyń bıigine kóterilgen. Alaıda, taýdan túser kezinde olarǵa qar kóshkini qulaǵan.
Oqıǵaǵa baılanysty shtab quryldy. Eki tikushaq pen 60 qutqarýshy izdeý jumystaryna jumyldyryldy. Іzdeý jumystary nátıjesinde 8 adamnyń máıiti tabyldy, endi bireýi iz-tússiz ketkender qatarynda.
Qutqarý operatsııasynyń birinshi kúninde aman qalǵan alty alpınıst tabylǵan bolatyn, qazir olardyń jaǵdaılary turaqty.
Aıta keteıik, Iran Respýblıkasy Lorestan provıntsııasynyń shyǵysynda ornalasqan Oshterankýh taýy Iran Alpi taýy retinde tanymal. Taýdyń bıiktigi - 4150 metr.
