Iranda 62 myń turǵyn úıge zaqym kelgen – Qyzyl Jarty aı uıymynyń málimeti
ASTANA. KAZINFORM – Irannyń Qyzyl Jarty aı qoǵamynyń basshysy Pırhoseın Kolıvand keıingi málimetter boıynsha elde 82 417 azamattyq nysan zaqymdanǵanyn habarlady, dep habarlaıdy Kazinform IRNA agenttigine silteme jasap.
Zaqymdanǵan nysandardyń ishinde 62 440 turǵyn úı jáne 19 187 kommertsııalyq ǵımarat bar. Eń kóp zaqym Tegeran provıntsııasynda tirkelip, onda 25 280 turǵyn jáne kommertsııalyq ǵımarat qıraǵan.
Sonymen qatar shabýyldar kezinde 281 medıtsınalyq, farmatsevtıkalyq, sanıtarlyq jáne tótenshe jaǵdaı mekemeleri, 498 mektep jáne Qyzyl Jarty aı qoǵamynyń 17 nysany zaqymdanǵan. Qutqarý tehnıkasynyń ishinde úsh tikushaq, 48 jedel járdem kóligi men 46 basqa da jedel járdem kóligi búlingen. Bul jaǵdaı eldegi tótenshe jaǵdaılardy basqarý jáne medıtsınalyq kómek kórsetý júıesine aıtarlyqtaı áser etken.
Budan buryn habarlaǵanymyzdaı, AQSh pen Izraıl Irandaǵy «Býsher» AES aýmaǵyna taǵy soqqy jasady.
