Iranda 60 jolaýshysy bar ushaq apatqa ushyrady
ASTANA. QazAqparat - Jeksenbi kúni Iranda jolaýshylar ushaǵy apatqa ushyrady, dep habarlaıdy QazAqparat IRNA aqparat agenttigine silteme jasap.
Áýe apaty Isfahan provıntsııasynda boldy. Laıner Tegerannan ıAsýdjge bet alyp kele jatqan.
Habarlanǵandaı, Aseman Airlines kompanııasyna tıesili áýe kemesi Semır eldi mekenine jaqyn jerde qulaǵan. Ushaq bortynda 60 jolaýshy men 6 ekıpaj múshesi boldy. Olardyń barlyǵy ajal qushty.
Ushaq qulaǵan jerge jiberilgen tikushaq aýa raıynyń qolaısyzdyǵynan qona almaýda, jedel járdem qyzmeti apat ornyna jetti.
Aldyn ala málimetterge súıensek, áýe kemesiniń ekıpajy ushaqty apatty jaǵdaıda Isfahan provıntsııasyndaǵy fermalardyń mańyna qondyrmaq bolǵan.
Eske salaıyq, 11 aqpan kúni Reseıde An-148 jolaýshylar ushaǵy apatqa ushyrady. Onyń bortynda 65 jolaýshy men 6 ekıpaj múshesi boldy. Olardyń barlyǵy ashal qushty.
