Iranda 28 aqpannan beri 240-tan astam oqýshy men muǵalim qaza tapty
ASTANA. KAZINFORM — AQSh pen Izraıldiń Iranǵa qarsy 28 aqpanda bastalǵan áskerı operatsııasynan beri keminde 243 oqýshy men muǵalim opat boldy. Bul týraly Irannyń Bilim mınıstrligi ókili málimdedi, dep habarlaıdy Al Jazeera.
Iran Qyzyl Jarty aı qoǵamy málimetinshe, AQSh pen Izraıl kúshteriniń shabýyldary saldarynan 82 myńnan astam azamattyq nysan zaqymdanǵan nemese qıraǵan. Olardyń qatarynda 62 myń turǵyn úı, 281 medıtsınalyq ortalyq, aýrýhana men dárihana bar.
Sonymen qatar, 498 mektep, 17 qutqarý pýnkti jáne 12 qutqarý kóligi zaqymdanǵan.
Eske salsaq, AQSh pen Izraıl 28 aqpanda Iranǵa qarsy áskerı operatsııa bastaǵan bolatyn. Soqqylar eldiń iri qalalaryna, sonyń ishinde Tegeran qalasyna jasaldy. Óz kezeginde Iran aýqymdy jaýap operatsııasyn bastaǵanyn málimdedi.
Budan buryn AQSh prezıdenti Donald Tramp Iranǵa jasalyp jatqan shabýyldardy toqtatý úshin 15 tarmaqtan turatyn jospar usynyp, sondaı-aq kelissózder júrgizý maqsatynda atysty bir aıǵa ýaqytsha toqtatý bastamasyn kóterdi.
