Iranda 18 maýsym kúni prezıdent saılaýy ótedi
TEGERAN. IRNA-QazAqparat - Iranda prezıdent saılaýyna qatysatyn kandıdattardy tirkeý 11 mamyrda bastalady. Bul shara 4 kúnge sozylady, dep habarlaıdy QazAqparat IRNA agenttigine silteme jasap.
Bıliktiń úsh tarmaǵy basshylarynyń orynbasarlary, Ulttyq qaýipsizdik joǵary keńesiniń jáne saıası qonymdylyqty anyqtaý keńesiniń músheleri, Kýmadaǵy rýhanı semınarııa ortalyǵynyń basshysy, memlekettik uıymdardyń, ınstıtýttar men qoǵamdyq úkimettik emes uıymdardyń dırektorlary, áskerı joǵary qolbasshylar, Azad ýnıversıtetiniń rektory, gýbernatorlar men halqynyń sany 2 mıllıonnan asatyn qala merleri Iran prezıdenti ataný úshin baq synaı alady.
Taıaýda prezıdenttiń jasyna qatysty shekteý jarııalandy. Saılaýǵa qatysatyn úmitkerlerdiń jasy 40-tan kishi bolmaýy jáne 75-ten aspaýy shart.
Iran konstıtýtsııasyn qorǵaý keńesi atynan saılaýǵa túsetin kandıdattardyń esimi 26-27 mamyrda belgili bolady.
28 mamyrdan bastap úmitkerler saılaýaldy úgit naýqanyn bastaıdy. Ol 16 maýsymǵa deıin sozylady. 17 mamyrda úgit sap tyıylyp, tynyshtyq kúni bolady.
Islam respýblıkasynyń zańyna sáıkes tirkelgen úmitkerlerdi Iran konstıtýtsııasyn qorǵaý keńesi maquldaýy tıis. Tizimge ený úshin ótinish 15 mamyrǵa deıin qabyldanady.
Saılaý 18 maýsym kúni ótedi dep belgilengen.
