Iran zymyran tasyǵyshty sátti synaqtan ótkizdi
ASTANA. QazAqparat - Iran serikterdi ǵaryshqa ushyrý úshin "Sımýrg" zymyran tasyǵyshyn sátti synaqtan ótkizdi. Bul týraly Press TV telearnasyna silteme jasap TASS habarlady.
"Sımýrg" 500 shaqyrym bıiktikke 250 kelige deıin salmaqpen apparat shyǵarýǵa qabiletti. 2010 jyly el prezıdenti Mahmýd Ahmadınejad Iran 2024 jyly ǵaryshqa adam ushyrýǵa nıetti ekenin habarlady. Alaıda keıinnen ol bul máseleni úkimet talqylaıtynyn jáne ushyrylymdy 2019 jyly, ıaǵnı bes jyl erte júzege asyrý sheshimi qabyldanǵanyn atap ótti.
Alǵashqy ırandyq zertteý serigi "Omıd" boldy. Orbıtada úsh aı bolǵan ol óz mıssııasyn sátti oryndap, Jerge 2009 jyly 25 sáýirde qaıta oraldy. «Omıdtan» keıin "Tolý", "Mesbah-2" jáne "Navıd" ushyryldy. Iranda qurylǵan serikter men «Sımýrg» zymyran tasyǵyshy Irannyń aeroǵaryshtyq ónerkásibinde jetistikter úlgisine aınaldy.
Aıtak keteıik, Iran 1959 jyly qurylǵan Ǵarysh keńistigin beıbit maqsatta paıdalaný boıynsha BUU komıtetin qurýshy 24 eldiń biri.
