Iran zymyran soqqylarynyń sany men qýatyn arttyrady
ASTANA. KAZINFORM — Iran zymyrandyq soqqylaryn kúsheıtip, olardyń qashyqtyǵy men qýatyn arttyratynyn habarlady.
Bul týraly Iran Islam revolıýtsııasy gvardııasynyń (KSIR) áýe-kosmostyq kúshter komandıri Seııd Madjıd Mýsavı málimdedi.
— Endi bir tonnadan az salmaqty oqtumsyqpen zymyran ushyrylmaıdy! Zymyrandardyń ushý uzaqtyǵy men bıiktigi arttyrylady, al áser etý aýqymy keńeıedi, — dedi ol.
Buǵan deıin Izraıl Irannan ushyrylǵan zymyrandardy toqtatqanyn habarlaǵan.
— Biraz buryn Izraıl qorǵanys armııasy Irannan Izraıl terrıtorııasyna baǵyttalǵan zymyrandardy anyqtady. Qorǵanys júıeleri (PVO) qaterdi beıtaraptandyrý úshin qoldanyldy, — delingen Izraıl armııasynyń baspasóz qyzmetiniń habarlamasynda.
Sonymen qatar, Irannan ushyrylǵan ballıstıkalyq zymyrannyń Túrkııa áýe keńistigine kirgeni jáne NATO-nyń áýe jáne zymyrannan qorǵanys quraldarymen beıtaraptandyrylǵany belgili boldy.