Iran joǵary baıytylǵan ýran qorynyń 50 paıyzyn joıdy
ASTANA. QazAqparat - MAGATE-niń málimdeýinshe, Iran ózindegi joǵary baıytylǵan ýran qorynyń jartysyn joıdy. Osy arqyly Tehran ırandyq ıadrolyq baǵdarlamasyna baılanysty problemalardy retteý aıasynda óziniń mindettemelerin oryndaı bastady.
Joǵary baıytylǵan ýran qoryn beıtaraptandyrý - Iranǵa qarsy sanktsııalardy jeńildetý turǵysyndaǵy talaptardyń biri. Bul sanktsııalardy osynyń aldynda Batys elderi engizgen bolatyn. Esterińizge sala keteıik, Iran jaǵy ýrandy baıytý úshin jańa tsentrıfýgalardy ornalastyrýdan bas tartyp, ózderiniń ıadrolyq nysandaryna halyqaralyq sarapshylardy kirgizýge jáne qarýǵa negizdelgen plýtonııdi óndirýge tehnıkalyq turǵyda qaýqarly ıadrolyq reaktordyń qurylysyn toqtatýǵa kelisti. Óz kezeginde bul elge qatysty ekonomıkalyq sanktsııalar birshama jeńildetiletin bolady.
