Iran joǵarǵy kóshbasshysynyń keńesshisi: Ormýz buǵazy ondaǵan ıadrolyq bombadan da mańyzdy
ASTANA. KAZINFORM — Bul málimdemeler strategııalyq mańyzy bar sý joly tóńiregindegi jaǵdaıdyń qaıta shıelenisken tusynda jasaldy, dep habarlaıdy Kazinform agenttiginiń menshikti tilshisi.
Irannyń joǵarǵy kóshbasshysy keńesshisi Mohsen Rezaı Ormýz buǵazy Islam Respýblıkasynyń ulttyq qaýipsizdigin qamtamasyz etýde asa mańyzdy ról atqaratynyn jáne onyń mańyzy ondaǵan ıadrolyq qarýǵa ıe bolýdan da joǵary ekenin málimdedi.
— Bul strategııalyq ótkel ondaǵan atom bombasynan da mańyzdy, ári Iran Islam Respýblıkasy ony qorǵaıdy, — dep keltiredi Rezaıdiń sózin Irannyń ISNA agenttigi.
Mohsen Rezaei, adviser to Iran’s supreme leader, says that the Strait of Hormuz is more important than «dozens of atomic bombs, ” vowing to protect the vital waterway. pic.twitter.com/AE9MdZqOHz
— Al Arabiya English (@AlArabiya_Eng) July 12, 2026
Tasnim agenttiginiń habarlaýynsha, joǵarǵy kóshbasshynyń keńesshisi Ormýz buǵazyn «Irannyń strategııalyq tejeý júıesiniń negizgi elementteriniń biri» dep atady.
— Qudaıdyń qalaýymen biz Ormýz buǵazyn saqtap qalamyz, óıtkeni bul strategııalyq ótkel eldiń tejeý júıesiniń mańyzdy bóligi bolyp esepteledi jáne ulttyq qaýipsizdik pen ulttyq múddelerdi qorǵaýda sheshýshi ról atqarady. Ormýz buǵazy strategııalyq tejeý faktory retinde qyzmet etedi, al Iran Islam Respýblıkasy óziniń qorǵanys múmkindikteri men ulttyq áleýetine súıene otyryp, eldiń qaýipsizdigi men múddelerin qorǵaı beredi, — dedi Rezaı.
Onyń aıtýynsha, Iran aldaǵy ýaqytta da óz qorǵanys áleýetine súıene otyryp, buǵazdyń qaýipsizdigin qamtamasyz etýdi jalǵastyrady.
Ormýz buǵazy: ashyq pa, álde jabyq pa?
Bul málimdemeler Iran áskerıleri Ormýz buǵazynyń kelesi habarlamaǵa deıin jabylatynyn jarııalaǵannan keıin aıtyldy.
Tegeran qurǵan Parsy shyǵanaǵy buǵazdary basqarmasy óńirdegi amerıkalyq qarýly kúshterdiń «zańsyz áreketterine» baılanysty kemelerdiń ótýi ýaqytsha múmkin emes ekenin málimdedi.
The Persian Gulf Maritime Authority announces that navigation through the Strait of Hormuz is currently suspended.
— IRNA News Agency ☫ (@IrnaEnglish) July 12, 2026
Vedomstvonyń habarlaýynsha, jaǵdaı turaqtanǵannan keıin buǵaz arqyly ótýge qatysty barlyq ótinish qaralyp, qajetti ruqsattar belgilengen tártippen beriletin bolady.
Al AQSh Qarýly kúshteriniń Ortalyq qolbasshylyǵy (CENTCOM) halyqaralyq sý joly arqyly zańdy túrde ótetin barlyq keme úshin Ormýz buǵazy ashyq kúıinde qalyp otyrǵanyn málimdedi.
— Iran buǵazdy baqylamaıdy. Keme qozǵalysy jalǵasýda, — delingen amerıkalyq qolbasshylyqtyń habarlamasynda.
Sondaı-aq AQSh teńiz qatynasynyń erkindigin qamtamasyz etýge daıyn ekenin jetkizdi.
The Strait of Hormuz is open to all vessels seeking to lawfully transit the international waterway. U.S. forces are positioned and prepared to ensure that freedom of navigation remains available despite unwarranted Iranian aggression, harassment, threats, and arbitrary… pic.twitter.com/FS3TUBOZEj
— U.S. Central Command (@CENTCOM) July 12, 2026
AQSh prezıdenti Donald Tramp NBC telearnasyna bergen suhbatynda amerıkalyq áskerılerdiń ustanymyn qoldap, Irannyń buǵazdy japqany týraly málimdemesine qaramastan, Ormýz buǵazy kommertsııalyq keme qatynasy úshin ashyq ekenin aıtty.
The Strait of Hormuz is open to commercial traffic, US President Donald Trump tells NBC’s Meet the Press, as the US and Iran continue to trade attacks that have raised concerns over safety in one of the world’s most important oil shipping routes. pic.twitter.com/Byh2H58ZFv
— Al Arabiya English (@AlArabiya_Eng) July 12, 2026
Qazirgi ýaqytta Tegeran men Vashıngton jaǵdaıǵa múlde qarama-qaıshy baǵa berip otyr.
Iran buǵaz arqyly ótý tek tıisti ruqsat alǵannan keıin ǵana múmkin ekenin málimdese, AQSh halyqaralyq keme qatynasy qalypty rejımde jalǵasyp jatqanyn aıtýda.
Keme qatynasyna tóngen qaýip
Sonymen qatar, kommertsııalyq keme qatynasy qaýipsizdigi jónindegi aqparat almasýdy úılestiretin Ulybrıtanııanyń Teńiz saýda operatsııalary basqarmasy (UKMTO) Ormýz buǵazy aýdanyndaǵy keme qatynasyna tóngen qaýip deńgeıin eń joǵary deńgeıde saqtap, ony «eleýli» dep baǵalady.
JMIC Advisory Note: 014-26
— UKMTO Operations Centre (@UK_MTO) July 12, 2026
Click here to view the full advisory note⤵️ https://t.co/8GmvndmpTA#MaritimeSecurity #MarSec pic.twitter.com/TXe0hiIKun
Sonymen birge vedomstvo buǵazdyń ońtústik baǵyty ashyq ekenin jáne eki baǵytta da kemelerdiń qozǵalysy úshin keńeıtilgenin habarlady.
Jaǵdaıdyń shıelenisýine baılanysty Qatar bıligi serýendeý kemeleri, balyq aýlaý qaıyqtary men gıdrotsıkl ıelerine teńizdegi qyzmetin kelesi habarlamaǵa deıin ýaqytsha toqtata turýdy usyndy.
Buǵan deıin 12 shildege qaraǵan túni AQSh Iranǵa osy aptadaǵy úshinshi soqqy tolqynyn jasaǵanyn jarııalaǵan bolatyn.
Jaýap retinde Iran Parsy shyǵanaǵy elderi men Iordanııadaǵy amerıkalyq nysandarǵa soqqy jasady.
Sonymen qatar Tramp ózine Iran qastandyq jasasa, tutas eldi joıyp jiberetinin málimdedi.
