Iran jarty jyldyń ishinde ıadrolyq baǵdarlama boıynsha kelisýge daıyn
ASTANA. 29 qyrkúıek. QazAqparat - Iran Prezıdenti Hasan Rýhanı 3-6 aıy merziminde Tehrannyń ıadrolyq baǵdarlamasy boıynsha halyqaralyq qoǵamdastyqpen kelisimdi bekitetinin málim etti.
Ol Washington Post basylymyna ıadrolyq problemanyń sheshimi AQSh pen Iran qatynastaryn jaqsartýdyń bastapqy núktesi bolýy yqtımal ekenin aıtqan.
Prezıdenttiń sózinshe, Iran ıadrolyq zertteýler beıbit maqsatta júrip jatqandyǵyn Batystyń kózin jetkizý úshin barynsha ashyq bolýǵa daıyn.
Beısenbide Iran ýrandy baıytý baǵdarlamasy týraly BUU Qaýipsizdik keńesiniń bes turaqty múshesimen kelissózder júrgizedi.
Seısenbide Rýhanı BUU Bas assambleıasynyń aldyndaǵy sózinde óziniń eli ıadrolyq baǵdarlama boıynsha kelissózderge daıyn ekendigin málim etken edi.
Aıta keteıik, Iran árqashan da óziniń ıadrolyq baǵdarlamasy tek beıbit maqsatqa negizdelgenin sendirýde. Alaıda batystyq elder Tehran jappaı qyrý qarýyn ázirleýge nıettenip júr degen kúdikti alǵa tartýda.
