Iran jańa zymyrandy synamaq
ASTANA. 5 shilde. QazAqparat - Irandyq áskerıler «Uly paıǵambar 6» jattyǵýynyń barysynda dybystan da jyldam ushatyn «jer-teńiz» synybyndaǵy jańa zymyrandy synaqtan ótkizbek,
dep habarlaıdy RBK agenttigi.
Zymyrannyń tehnıkalyq mazmuny týraly eshteńe aıtylmaıdy, biraq, áskerılerdiń habarlaýynsha, jańa zymyran jaqsy uıymdastyrylǵan áýe qorǵanysy jáne radıoelektrondyq soǵys jaǵdaıynda qarsylastardyń sý ústindegi kemelerin joıýǵa arnalǵan.
«Biz bul tehnologııany byltyr aıaqtadyq, sonyń negizinde jasalǵan zymyrannyń jyldamdyǵy dybystan áldeqaıda jyldam», dep málim etti Islam revolıýtsııasy saqshylary korpýsynyń brıgadalyq generaly Ámir Álı Hadjızadeh óz suhbatynda.
Buǵan deıin, 29 maýsymda Ulybrıtanııanyń syrtqy ister mınıstri Ýılıam Heıg, Iran ıadrolyq zarıad tasymaldaı alatyn ballıstıkalyq zymyrandardyń qupııa synaǵyn júrgizip jatqanyn habarlaǵan bolatyn. Brıtan tarabynyń aqparaty boıynsha, 2010 jyldyń qazan aıynan beri Iran orta qashyqtyqqa usha alatyn ballıstıkalyq zymyrandardyń eń joq degende úsh qupııa synaǵyn ótkizgen.
