Iran jan basyna shaqqanda ólim jazasyn qoldanýda álemdik kóshbasshy bolyp otyr
BRıÝSSELЬ. 29 shilde. QazAqparat /Dımash Syzdyqov/ - 2011 jyldyń birinshi jartysynyń qorytyndysy boıynsha Iran jan basyna shaqqanda ólim jazasyn qoldaný boıynsha álemdik kóshbasshy bolǵany Eýroodaqty alańdatyp otyr.
Osyndaı málimdemeni Brıýsselde EO sheteldik ister men qaýipsizdik saıasaty boıynsha Joǵary ókili Ketrın Eshton jasady.
«Men Iranda ólim jazasynyń artyp ketýine alańdaýshylyq bildiremin. Túrli aqparat kózderinen túsip jatqan sońǵy málimetter boıynsha, 2011 jyldyń birinshi jartyjyldyǵynda Iran jan basyna shaqqanda ólim jazasyn qoldaný boıynsha álemdik kóshbasshy orynda kele jatyr. Bul ólim jazasynan bas tartýdyń jahandyq úrdisine qaıshy keledi», - dedi K.Eshton.
Osyǵan oraı, eýropalyq dıplomatııa ókili ólim jazasynan bas tartpaı otyrǵan ózge de eldermen qosa Iranǵa da ólim jazasyn júzege asyrýdy toqtatyp, jazanyń osy túrine moratorıı engizýge shaqyryp otyr.
